Irgendwas muß oin scho locka,
wenn mr mit dauernd kalte Socka
übern Berg zum Fiedler wandert.
Dr Weihnachtsspeck, der soll halt weg,
drom wandred mir zu diesem Zweck.
Dr Weg ischs Ziel - halt anders rom!
's Kesselfleisch lockt uns, sei es drom.
Dazwische nei en kurze Halt,
en Glühwein wärmt em Winterwald.
Dann geht’s weiter durch der Schnee,
wandern isch halt emmer schee.
Schweineohren, Schweinbauch,
Keebäckle ond Rüssel mag i auch,
Sonstiges ond Kraut dazu,
mei Honger lässt mir gar koi Ruh!
En Schnaps, a Viertel oder Bier
Oh wie wohlig, ist es mir !
Dr Rückweg isch a Tortur,
des schaffa bloß die Fitte nur !!
die andre lasset sich gern chauffieren,
was Besser’s kann oim net passieren.
